احسبيها
الحقينى
الحقى اللى باقى منى
بطلى طبع الطناش
واحسبيها
شوفى مين فينا اللى يخسر
لو ح أسيبك وتسبينى
قالوا عنك يا قالوا
ضلة الملهوف وأمن لكل خايف
لما صدقتك ما نابنى إلا مصمصة الشفافيف
خلى بالك
طول مافيه بينا مسافة
المكرش واللى ح يموت م النحافة
لو ندهتى
قلبى مش ح يدق ليكى
لو وقعتى مش أسمى الله عليكى
ولو فى حزنك ح أشارك
طول ما يوم فرحك ما بتسعنيش ديارك
إنتى إيه .. قلبك حجر
حضنك المفتوح تمللى للى خانك
واللى فوق ضهرك عبر
ينقفل وف وش مين
اللى يا سنين صبر
تيجى نلعب شقلبوك
غيروك بدلوك
اللى تحتك يبقوا فوقك .. واللى فوقك يخدموك
والكتاب للكل واضح
والحساب ع الكل فاضح
حتى لو فايح وطايخ .. ما تسبيه لو حلفوك
آدى ايدى بأمدهالك
يا ترى تمديلى ايدك
هى شعره لسه بينا
لو قرارك تقطعيها .. اقطعيها
بس لازم تحسبيها
اوعى تفتكرى إنى خ أفضل راضى بالحرمان رغيف
إوعى تفتكرى إنى ح أفضل راضى بالصبر الغموس
صدقينى
مش راح سايب اللى يدوس يدوس
إلـيــه
أدوس الدنيا
بما فيها
ومن فيها .. وإلا أنت
واشوف فيها اللى ما يشوفه
جريح غيرى
وما اهتمش
ولا احسش
ولا اشمش جفاك انت يا زادى
وكل زوادى
ف يوم ما كفرت باولادى
وكل اللى حواليا .. وإلا انت
يا رحلة كلمة جوانا
تحيرنا وحيرانه
على نورها بنتقابل
على زهورها بنتواعد
يا شوكه ف سكة المظاليم
بوصيك ياد يا ابراهيم
لبعد ما أموت
لاتنسانى
ولا تكتبش غير نفسك
الإثنين فبراير 18, 2008 4:08 pm